Inilunsad ang DepEd TV ng Department of Education bilang tugon sa pangangailangan ng mga mag-aaral na maipagpatuloy ang kanilang edukasyon sa gitna ng pandemyang dulot ng COVID-19.
Bahagi ito ng ipapatupad ng DepEd na iba't ibang learning modality para sa school year 2020-2021.
Ipapalabas sa DepEd TV ang 130 episodes para sa iba't ibang asignatura mula Kinder hanggang Grade 12 kabilang ang ALS o Alternative Education System.
Isa ang Mother Tongue-Based Multilingual Education o MTB sa mga asignatura na kabilang sa MELC o Most Essential Learning Competencies na itinakda ng DepEd para sa school year na ito.
Sa episode na ito, tatalakayin ang paksang "Pagsagot sa Tanong Tungkol sa Kuwento, Usapan, Balita at Tula" na nakapaloob sa module ng Filipino Grade 3.